Ye message bahut logon ko aa raha hai: "Aapki gaadi ka traffic challan ₹500 baaki hai, aaj pay nahi kiya to court case hoga" aur ek link. Link ka address dhyaan se dekho to sarkari site nahi hota, ya phir ek .apk file hoti hai.

Link pe card details maange jaate hain, ya app install karwaya jata hai jo phone ke SMS padh leta hai. Chhota sa ₹500 ka challan bharne ke chakkar mein bada nuksaan ho jata hai.

Challan sirf Parivahan ki official e-challan site ya mParivahan app pe vehicle number daal ke check karein. SMS ke link pe bharosa na karein.